بڕیارە ئەمڕۆ وەفدێکی هەرێم لیستی مووچەی مانگی ئاب بۆ وەزارەتی دارایی عێراق ببات.
بەپێی زانیارییەکانی تۆڕی میدیایی ئێستا، ئەمڕۆ وەفدێکی تەکنیکی و ژمێریاریی هەرێم، لیستی مووچەی مانگی ئاب بۆ وەزارەتی دارایی عێراق دەبات.
هەر بەپێی زانیارییەکان، وەزارەتی دارایی عێراق هەر تێبینییەکی لەسەر لیستەکە هەبێت ئەندامانی وەفدەکە وەڵامی دەدەنەوە و پاشان بۆ هەرێم دەگەڕێنەوە.
ماوەی 35 رۆژە لیستی مووچەی مانگی تەمموز بۆ بەغداد نێردراوە، بەڵام تاوەکو ئێستا بڕیار لەسەر خەرجکردنی ئەو مووچەیە نەدراوە.
