سێ کەس دەستگیرکران بە تۆمەتی کوشتنی گەشتیارێکی عەرەب لە ڕێگەی چەمچەماڵ

بەڕێوەبەرایەتی ئاسایشی ڕۆژئاوای سلێمانی ڕایگەیاند، سێ کەسیان لە ڕێگەی چەمچەماڵ و تەکییەی کاکەمەند دەستگیرکردووە کە هەستاون بەڕێگریکردن و بڕینی گیرفانی هاوڵاتیان و کوشتنی هاوڵاتییەکی عەرەب لە سەرەتای ئەم مانگەدا.

ئاسایشی ڕۆژئاوای سلێمانی لە ڕاگەیەندراوێکدا دەڵێت، ” دوای ئەوەی زانیاریمان بەدەست گەیشت کە گروپێکی چەکداری پێکهاتون لە چوار کەس لەڕێگای نێوان چەمچەماڵ تەکیەی کاکەمەند، هەستاون بەڕێگریکردن و بڕینی گیرفانی هاوڵاتییان و کوشتنی هاوڵاتیەکی عەرەب بەناوی (ی ، ھ ، ع ) لە 5ی ئازاردا.

بەپێی ڕاگەیەندراوەکە لە (8_3_2021) دووکەس بەناوەکانی ( ب،ل،ح) و (ح،ب،و) لە (9_3_2021)کەسێکی دیکە بەناوی (د، أ ، ش) دەستگیرکران ، کەسەرجەمیان خەڵکی قەزای چەمچەماڵن .

تاوانلێکراوەکە بەڕەچەڵەک عەرەبە و خەڵکی پارێزگای (بغداد)ە دوو منداڵی خۆی و ئامۆزایەکی لەگەڵدابووە ویستویانە بۆ گەشتکردن بچن بۆ شاری سلێمانی

تۆمەتبارەکان بەبڕیاری دادوەری دادگای لێکۆڵینەوەی چەمچەماڵ بەپێی ماددەی (405) لە یاسای سزادانی عێراقی ڕاگیراون

بابەتی پێشتر

بەرگری شارستانی سلێمانی چەند ڕێنماییەک بۆ کاتی دروستبوونی ڕەشەبا دەخاتە ڕوو

بابەتی دواتر

کەسێک لەناو بازاڕ تەقەی لە ژنەکەی کردووە و دەستگیرکراوە

بابەتی پەیوەندیدار
Total
0
Share