وەزارەتی دارایی و ئابوریی حکومەتی هەرێم رایدەگەیەنێت، مووچەی چەند مانگێکی بەشێک لە فەرمانبەرانی هەمیشەیی و گرێبەست، دابەشدەکرێت.
وەزارەتی دارایی لە راگەیەندراوێکدا بڵاویکردەوە، رۆژی دووشەممە، 8ـی 9ـی 2025، مووچەی مانگی حوزەیرانی ساڵی 2025 و مووچەی مانگەکانی تشرینی یەکەم و تشرینی دووەمی ساڵی 2024ـی سەرجەم ئەو فەرمانبەرانە دابەشدەکرێت، کە لەدوای 1ـی 7ـی 2024ـەوە بەشێوەی گرێبەست و هەمیشەیی، لەسەر میلاکی دامەزراوەکانی حکومەتی هەرێم دامەزراون.
دەشڵێت، مووچەی ئەو فەرمانبەرانە لەسەر داهاتی ناوخۆی هەرێمی کوردستان خەرجدەکرێت.
