وەزارەتی دارایی عێراق رایگەیاند، هیچ گرفتێک لە دابەشکردنی مووچە نییە و پارەی پێویست لەبەردەستە.
وەزارەتی دارایی عێراق روونکردنەوەیەکی بڵاوکردەوە و دەڵێت، دواکەوتنی مووچەی خانەنشینی ئەم مانگە بەهۆکاری تەکنیکییە و پەیوەندی بە سیستمی دراو و گواستنەوەی بانکییەوە نییە.
دەشڵێت، پارەی تەرخانکراو بۆ مووچە لە بودجەی گشتیدا هەیە و تیمە تەکنیکییەکان بە هەماهەنگیی بانکی تایبەتمەند بەردەوامن لە کارکردن و لە چەند رۆژی داهاتوودا دەوامی بانک دەستپێدەکاتەوە.
وەزارەتەكە باس لەوەشدەکات، بڕی پارەی پێویست لە هەژماری گەنجینەی حكومەتدا هەیە و ئەوەی روویداوە دواكەوتنی رێكارەكانی پەیوەست بە گواستنەوەی نێوان بانك و سیستمی پارەدانی ئەلیكترۆنی بووە.
جەخت لەوەش دەکاتەوە، دابەشکردنی مووچە لە مانگەکانی داهاتوو لە وادەی دیاریکراوی خۆی بەبێ دواکەوتن بەردەوامدەبێت.
