مەهدی سەنایی، راوێژکاری سیاسیی سەرۆک کۆماری ئێران رایگەیاند، ئێوارەی دووشەممەی هەفتەی داهاتوو، مەسعود پزیشكیان، سەرۆک کۆماری ئێران دەست بە گەشتێکی دوو رۆژیی دەکات بۆ وڵاتانی ئەرمینیا و بێلاڕووسیا.
سەنایی لە درێژەی قسەکانیدا ئەوەشی وت، “ئامانجی سەردانەکە بریتییە لە بەهێزکردنی پەیوەندییەکانمان، بەتایبەتی لە بواری بازرگانیدا و واژووکردنی چەند رێککەوتنێک”.
ئاماژەی بەوەشکرد، بڕیاربوو سەردانەکە سەرەتای مانگی تەمموز بێت، بەڵام دواخرا.
لە کۆتایی پەیامەکەیدا، سەنایی رایگەیاند، پزیشکیان بانگهێشتنامەیەکی رەسمیی پێگەیشتووە بۆ بەشداریکردن لە لوتکەی رێكخراوی هاوکاریی شانگاهای، کە بڕیارە لە مانگی ئەیلولدا لە چین بەڕێوەبچێت.
