وەزارەتی دەرەوەی ئەمریکا بە زمانی فارسی داوا لە هاوڵاتییانی دەکات، سەردانی ئێران نەکەن و ئەگەر هەر پلانێکی لەو جۆرەیان هەیە، پێیدا بچنەوە.
لە هۆشدارییەکدا کە لەلایەن هەژماری رەسمیی وەزارەتی دەرەوەی ئەمریکاوە بڵاوکراوەتەوە، هاتووە، بەهۆی زیادبوونی گرژیی ئەمنی لە رۆژهەڵاتی ناوەڕاست، داوا لە هاوڵاتییانی ئەمریکا دەکەین، خۆیان لە سەردانی ئێران بەدووربگرن.
جەختیش لەوەکراوەتەوە، هەر کەسێک بیر لە سەردانی ئێران دەکاتەوە، پێویستە هەڵسەنگاندن بۆ بڕیارەکەی بکاتەوە، چونکە هاوڵاتییانی ئەمریکا “نابێت گەشت بۆ ئێران بکەن” لە هیچ بارودۆخێکدا.
