ڤیدیۆ.. سوپای تورکیا چی لەدوای خۆی جێهێشت لە چیای گارە؟

ناوەندی ڕاگەیاندن و چاپەمەنی هەپەگە ڤیدیۆی پاشماوەکانی سوپای تورکیای لە چیای گارە بڵاوکردەوە و میدیاکانی پەکەکەش نوسیویانە، “ڤیدیۆکە بەڵگەیە لەسەر هەوڵی سوپای تورکیا بۆ کوشتنی دیلەکانی”.

لە ڤیدیۆکەدا دەردەکەوێت، سوپای تورکیا چەندین پاشماوەی لە دوای خۆی بەجێهێشتووە، لەوانە پاچ و خاکەناز و چەندین پێداویستی سەربازی.

لە ڤیدیۆکەدا یەکێک لە گەریلاکانی پارتی کرێکارانی کوردستان قسەدەکات و دەڵێت، “ئەو ئەشکەوتە شوێنی ڕاگرتنی دیلەکان بووە کە سوپای تورکیا بۆردومانی کردووە، لە هەمان کاتدا بە کۆپتەر ئەندامانی سوپای تورکیا دابەزێندراونەتە شوێنەکە بۆئەوەی ئەو ناوچەیە کۆنترۆڵبکەن، بەڵام گەریلاکان ڕێگەیان پێنەداون لەو شوێنە بمێننەوە”.

گەریلاکەی پارتی کرێکارانی کوردستان دەڵێت، “هێنانی ئەو پێداویستیانە بۆ ئەو شوێنە نیشنەی ئەوەیە کە سوپا ویستوویەتی لەو ناوچەیە بمێنێتەوە و بەتەواوی جێگرببێت، بەڵام گەریلاکان ڕێگەیان نەداوە و زوو کشاونەوە”.

بابەتی پێشتر

"دوو تیرۆریستی مەترسیدار" لە كەركوك دەستگیركران

بابەتی دواتر

شاندەكەی حكومەتی هەرێم لە بەغداد گەڕانەوە و "ترس لە پابەندنەبوونی هەولێر هەیە"

بابەتی پەیوەندیدار
Total
1
Share