بەڕێوەبەری حەج و عومرەی هەرێم رایگەیاند، لە ئەمڕۆوە ناو تۆمارکردن بۆ وەرزی حەجی 2026 دەستپێدەکات.
نیاز نەقشبەندی بەڕێوەبەری حەج و عومرەی هەرێم رایگەیاند، لە ئەمڕۆوە تۆمارکردنی ناو بۆ پرۆسەی حەجی ساڵی 2026 دەستپێدەکات و ماوەی یەک مانگ دەخایەنێت.
ئاماژەی بەوەشکرد، ناو تۆمارکردن بێبەرامبەرە، لەدوای کۆتاییهاتنی تۆمارکردنی ناوی حاجیان، لە 1 ی تشرینی یەکەم تیروپشک بۆ ناوی حاجیان دەکەین.
داوایشیکرد، ئەوانەی پێشتر حەجیان کردووە ناویان تۆمارنەکەن، چونکە ناوەکەی رەتدەکرێتەوە، ئەوانەشی پێشتر ناویان نووسیوە، پێویستە جارێکی دیکە ناویان تۆماربکەنەوە، چونکە ناوەکانیان سڕاوەتەوە.
