راوێژکاری ئاسایشی نیشتمانیی عێراق رایدەگەیەنێت، حکومەتی عێراق “جدییە” لە چارەسەرکردنی پرسی مووچەی مووچەخۆرانی هەرێمی کوردستان.
ئەعرەجی لە لێدوانێکدا بۆ رۆژنامەنوسان رایگەیاند، لەگەڵ سەرکردە و بەرپرسانی هەرێم تاوتوێی رێوشوێنە ئەرێنییەکانی عێراقیان سەبارەت بە دۆخی ئەمنی و سیاسیی ناوچەکە بەگشتی کردووە.
دەشڵێت، “جەختمان کردەوە لەسەر دۆزینەوەی چارەسەر بۆ کێشەکانی نێوان هەرێم و بەغداد، بەپێی دەستوور و یاسا”.
راوێژکاری ئاسایشی نیشتمانیی عێراق ئاماژەی بەوەشکرد، “ئێمە جددین لە چارەسەرکردنی ناکۆکی و کێشە هەڵپەسێردراوەکانی نێوان هەرێم و بەغداد، لە پێش هەموویشیانەوە پرسی مووچەی فەرمانبەرانی هەرێمی کوردستان.
وتیشی، “لیژنەیەکی باڵای وەزاری پێکهێندراوە بۆ چارەسەرکردنی ئەم بابەتە لە زووترین کاتدا”.
