پارێزەر هەرێم ڕەفعەت کە یەکێکە لە تیمی پارێزەرانی گیراوانی بادینان ئەمڕۆ سێشەممە لەلایەن ئاسایشی هەولێرەوە لەکاتی گەڕانەوەی لە بازگەی هەولێر دەستگیرکراوە.
بەشدار حەسەن پارێزەری ڕاوێژکار و ئەندامی تیمی پارێزەرانی گیراوانی بادینان بە تۆڕی میدیایی ئێستای وت، “پارێزەر هەرێم ڕەفعەت لەکاتێکدا لە ساری ڕانیەوە بەرەو هەولێر گەڕاوەتەوە لە بازگەی هەولێر لەلایەن ئاسایشەوە گیراوە”.
باسی لەوەکرد، کە قسەیان لەگەڵ بنەماڵەی پارێزەر هەرێم ڕەفعەت کردووە و ئەوان نازانن کوڕەکەیان لەسەر چی دەستگیرکراوە، وتیشی، “ئێمەش نازانین لەسەر چی دەستگیرکراوە”.
بەشدار حەسەن دەڵێت، “ئێمە سبەینێ سەردانی ئاسایشی گشتیی هەولێر دەکەین بۆ بەدواداچوون لە هۆکاری دەستگیرکردنی هەرێم ڕەفعەتی پارێزەر”.
