کەمێک لەمەوبەر، کۆبوونەوەی وەفدی باکوور و رۆژهەڵاتی سووریا، بە سەرۆکایەتیی مەزڵوم عەبدی، فەرماندەی گشتیی هەسەدە و بەرپرسانی حکومەتی سووریا، بە سەرۆکایەتیی ئەحمەد شەرع، سەرۆک کۆمار، دەستیپێکرد.
تەلەفیزیۆنی رەسمیی سووریا بڵاویکردەوە، لە کۆبوونەوەکەدا تۆماس باراک، نێردەی تایبەتی ئەمریکا بۆ سووریا و نوێنەرانی حکومەتی فەرەنسا، بەشدارن.
بەپێی میدیاکانی سووریا، لە کۆبوونەوەکەدا باس لە تەواوکردنی دانوستانەکانی نێوان ئیدارەی خۆسەر و حکومەتی سووریا دەکرێت، بەپێی ئەو رێککەوتنەی کە لە نێوان مەزلوم عەبدی و ئەحمەد شەرع، لە 10ی ئازاری ئەمساڵدا واژووکراوە.
