کەشناسیی هەرێم رایدەگەیەنێت، ئەمڕۆ و سبەی پلەی گەرمی نزمدەبێتەوە.
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان رایگەیاند، ئەمڕۆ یەکشەممە، ئاسمان ساماڵ و پەڵەهەور دەبێت، لەگەڵ بوونى تۆزێکى سووک لە کاتەکانى ئێوارە و شەو.
ئاماژەی بەوەشکرد، پلەی گەرمی نزیکدەبێتەوە لە تۆمارکراوەکانی دوێنێ و لە هەندێک ناوچەش، نزمدەبێتەوە.
لەبارەی کەش و پلەی گەرمیی سبەی دووشەممەوە، کەشناسی دەڵێت، ئاسمان ساماڵ دەبێت لەگەڵ بەرزبوونەوەى تۆزێکى کەم و پلەی گەرمییش نزمدەبێتەوە.
پلەی گەرمیی پێشبینیکراو:
هەولێر : 41 پلەی سیلیزی
سلێمانی : 39 پلەی سیلیزی
دهۆک : 39 پلەی سیلیزی
کەرکوک : 43 پلەی سیلیزی
زاخۆ : 40 پلەی سیلیزی
هەڵەبجە :40 پلەی سیلیزی
سۆران : 38 پلەی سیلیزی
حاجی ئۆمەران : 28 پلەی سیلیزی
گەرمیان :44 پلەی سیلیزی
