هەر سێ یاساكە و هەمواری یاسای بودجە لە رۆژنامەی وەقائیعی عێراقی بڵاوكرانەوە.
ئەمڕۆ سێشەممە بە رەسمی یاساكانی گەڕانەوەی موڵك و ماڵ بۆ خاوەنەكانیان، لێبوردنی گشتی و باری كەسێتی، هەروەها هەمواری یاسای بودجەی گشتی عێراقی لە رۆژنامەی وەقائیعی عێراق بڵاوكرانەوە و بەمەش دەکەونە بوارى جێبەجێکردنەوە.
پێشتر لەتیف رەشید، سەرۆك كۆماری عێراق واژووى لەسەر هەمواری یاسای بودجە کرد کە دەبێتە هۆى دەستپێكردنەوەی هەناردەی نەوتی هەرێم كرد، بەر لەوەى ئەمڕۆ لە رۆژنامەی وەقائیع بڵاوبکرێتەوە.
