وتەبێژی سوپای ئێران رایدەگەیەنێت، لە ئۆپراسیۆنەکانیان بەردەوامدەبن تا ئەوکاتەی ئیسرائیل “تۆبە” دەکات.
ئەبوفەزڵ شەکارچی، وتەبێژی سوپای ئێران بە میدیا ناوخۆییەکانی وڵاتەکەی راگەیاند، ئەو ئۆپراسیۆنانەی کە لەلایەن هێزە چەکدارەکانمانەوە ئەنجامدەدرێن، بەشێکن لە دەسەڵاتی سەرسەختی ئێمە و تا ئەو کاتەی کە ئیسرائیل تۆبە دەکات، بەردەوامدەبین.
وتیشی، “وەزارەتی جەنگی دوژمنمان کردە ئامانج، سەرەڕای ئەوەی زۆر هەوڵیاندا رێگری بکەن”.
ئاماژەی بەوەشدا، “قەوارەی زایۆنی سەرەڕای ئەو پاڵپشتییە لۆجستییەی کە لە هاوپەیمانەکانیەوە وەریدەگرێت، نەیتوانی مووشەکەکانمان لە پێکانی ئامانجەکان، رابگرێت”.
