ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، “هیچ مەترسیەك لەسەر مووچە نییە و دابەزینی نرخی نەوت كاریگەری لەسەر مووچە نابێت.
حسێن موئنەس، ئەندامی لیژنەی دارایی لە ئەنجومەنی نوێنەرانی عێراق رایگەیاندووە، حكومەتی عێراق چەند بژاردەیەكی لە بەردەمدایە و توانای تێپەڕاندنی قەیرانەكانی هەیە و بابەتی مووچەش هیچ گرفتێكی بۆ دروست نابێت.
ئەو پەرلەمانتارە باسی لەوەش كردووە، مانەوەی نرخی بەرمیلێك نەوت بە 70 دۆلار لە بودجەدا كاریگەریی نەرێنی لەسەر بودجەی عێراق دەبێت و پێویستە بە دەستكاری نرخی نەوت لە یاسای بودجەدا بكرێت.
