دەستەی کەشناسیی عێراق، پێشبینییەکانی کەشوهەوای چەند رۆژی داهاتووی بڵاوکردەوە و پێشبینی نمەبارانێکی کەم لە ناوچەکانی هەرێمی کوردستان دەکات لە رۆژی شەممەدا.
بە گوێرەی راگەیەندراوەکەی دەستەی کەشناسیی عێراق، سبەی شەممە، کەشوهەوای ناوچەکانی هەرێم بە گشتی لە نێوان نیمچە هەور و هەوردا دەبێت و پێشبینی بارانی نمەباران دەکرێت و رەنگە تاوە بارانیش ببارێت.
لەبارەی کەشوهەوای رۆژی یەکشەممەوە باسی لەوەکردووە، بە هەمان شێوەی رۆژی شەممە ئەگەری بارینی نمەباران دەبێت و پلەی گەرمی بە جێگیری دەمێنێتەوە.
بۆ رۆژی دووشەممە دەڵێت، پلەی گەرمی بەرزدەبێتەوە و ئاسمان لە نێوان نیمچە هەور و ساماڵدا دەبێت.
