توێژینەوەیەکى نوێى بەریتانى ئاشکرایدەکات، خواردنەوەى گوشراوى میوەیەک رۆژانە دووجار یارمەتیدەر دەبێت لە کەمکردنەوەى نیشانەکانى هەوکردنى کۆڵۆن بەشێوەیەکى بەرچاو.
توێژینەوەکە کە لەلایەن توێژەرانى زانکۆکانى هیرتفرۆدشایر و لانکشایر ئامادەکراوە، یەکەمینى لەو جۆرەیە لەڕووى قەبارە و تەرکیزى لەسەر مرۆڤ.
بەپێى ئەنجامى توێژینەوەکە، ئەو نەخۆشانەى 130 میلیگرام گیراوەى گێلاسیان خواردوەتەوە رۆژانە دوو جار بۆ ماوەى شەش هەفتە، بە رێژەى 40% ئاستى کالبروتکتین-یان کەمیکردووە، کە ئەوەش نیشانەیەکى سەرەکیی هەوکردنى ریخۆڵەیە.
هەروەک بەشداربووان ئاماژەیان بە باشبوون بە رێژەى 9%ى تەندروستیی گشتییان داوە، ئەنجامەکە بەڵگەیەکى ئەرێنییە بۆ ئەو نەخۆشانەى بەدەست ئەم حاڵەتە درێژخایەنەوە دەناڵێنن.
سەرەڕاى ئەوەى شەربەتى ئەو میوەیە بە جێگرەوەى دەرمانە باوەکانى وەک دژە هەوکردن و ستیرۆیداتەکان دانانرێت، بەڵام دەبێتە تەواوکارێکى خۆراکیی بەسوود بۆ پلانى چارەسەرى درێژخایەن.
