یانەی بەرشلۆنەی ئیسپانی لە هاوینی 2021 ئۆفەری نوێ پێشکەشی عوسمان دیمبیلی فەرەنسی دەکات و بەهەر شێوەیەک بێت بۆندەکەی نوێدەکرێتەوە.
ڕۆژنامەی سپۆرتی کەتەلۆنی ئاشکرایکردووە، بۆندی دیمبیلی لە هاوینی 2022 کۆتاییدێت، بەڕێوبەرانی پێشووی ئیدارەی بارتۆمیو و ئێستای یانە (ئیدارەی کاتیی) بۆندێکی نوێیان بۆ ماوەی چوار ساڵی دیکە پێشکەشکردووە، بەڵام یاریزانەکە و لێپرسراوی کارەکانی وەڵامیان نەبووە.
لێرەدا یانە کەتەلۆنیەکە دەکەوێتە بەردەم بەرپرسیاریەتیەکی گەورە، ئەگەر لە هاوینی 2021 بۆندەکەی نوێنەکرێتەوە لە میرکاتۆی 2022 دەتوانێت بێبەرانبەر ڕوو لە یانەیەکی دیکە بکات.
بەپێی سەرچاوەکە، سێ کاندیدی سەرۆکایەتی یانە (لاپۆرتا، فریکسا، فۆنت) بەرێوبەری کاتی یانە، کارلیس توسکێسیان سەرپشک کردووە دانوستاندن لەگەڵ لێپرسراوی کارەکانی دیمبیلی بکات، بە شێوەیەک لە هاوینی 2021 و دوای دەستبەکاربوونی یەکێک لە کاندیدەکان بۆندی نێوان دوو جەمسەرەکە نوێبکرێتەوە، ئەگەر ئەم هەنگاوانەش وەک پێویست بەڕێنەکات، ئامادەییان دەربڕیوە لە میرکاتۆی هاوینەی داهاتوو بە نرخێکی دیاریکراو ئاڕاستەی یانەیەکی دیکەی بکەن.
https://twitter.com/MaestroRiqui/status/1352374814779043866
دیمبیلی تەمەن 23 ساڵ هاوینی 2017 لە یانەی بوروسیا دۆرتمۆندەوە ڕوویکردە بەرشلۆنە، بەڵام بەهۆی پێکانە لەسەریەکەکانەوە نەیتوانی لە پێکهاتەی سەرەکی جێگەی خۆی بکاتەوە.
لەو ساتەوە پەیوەندی بە بەرشلۆنەوە کردووە 93 یاری ئەنجامداوە و 25 گۆڵی تۆمارکردووە و 19ی ڕەخساندووە، لەم وەرزەدا لە 19 یارییدا بەشداربووە.
