ئیدارهی یانهی مانچستهر یونایتدی ئینگلیزی ناچارن له هاوینی 2023 مامهڵهی نوێکردنهوهی گرێبهستی (10) یاریزان بکهن.
بهپێی زانیارییهکانی “تریبونا”، له هاوینی 2023 گرێبهستی (10) یاریزانی یانهی مانچستهر یونایتد کۆتاییدێت، بهڕێوهبهرانی “ڕێد دێڤڵز” پلانیان بۆ نوێکردنهوهی هەندێک لە گرێبهستهکان داڕشتووە.
یاریزانهکان پێکهاتوون له، مارکۆس ڕاشفۆرد، تۆم هیتۆن، کریستیانۆ ڕۆناڵدۆ، فرێد، لوک شاو، دیێگۆ دالۆت، داڤید دی خیا، ئاکسێل توانزیبی، فیڵ جۆنز، ئهلیخاندرۆ گارانچۆ.
ڕاشفۆرد، دالۆت، دی خیا و توانزیبی نوێکردنهوهی گرێبهستهکانیان مسۆگهره، کریستیانۆ دهبێت بڕیارێکی یهکلاکهرهوه بدات به وازهێنان، یان ڕۆیشتن بۆ یانهیهکی دیکه، یان وهرزێک نوێکردنهوه.
یاریزانەکانی دیکهش بهتایبهت جۆنز، فرێد و شاو، هیتۆن له نێوان بڕیاری ماڵئاوایی، یان وهرزێک نوێکردنهوهدا دەوەستنەوە.
