ڕۆناڵد كومان ڕاهێنەری بەرشلۆنە چاوەڕێی یارییەكی بەهێز بەرامبەر ڤالێنسیا دەكات، باسی گەڕانەوەی فاتی و دێمبیلی-ش دەكات.
پێش ڕووبەڕووبوونەوەی ڤالێنسیا، كومان بەشداریی كۆنفرانسێكی ڕۆژنامەوانیی كرد، جەختی لەوە كردەوە ڕكابەرەكەیان بەهێزە و پێویستە بە ورییایەوە مامەڵە لەگەڵ دۆخەكەدا بكەن.
ڕاهێنەرە هۆڵەندییەكە باسی لەوەش كردووە، هێشتا ئەگوێرۆ بۆ یاریكردن ئامادەنییە و پێویستی بە كاتە تا ڕیتمی یاری وەردەگرێتەوە.
پوختەی قسەكانی كومان
// یارییەكی بەهێز چاوەڕێمانە، ڤالێنسیا تیپێكی بەهێزە و پشت بە توانای جەستەیی دەبەستن، كاتێك تۆپیان لادەبێت مەترسیدارن، پێویستە سوود لەوە وەربگرین كە لە یاریگای خۆمان یاری دەكەین.
// من هەمیشە ویستومە لەسەرخۆ بم، دەمانەوێت لە ڕێی ڕاهێنانكردنەوە پێشبكەوین
// ئەگوێرۆ چەند خولەكێك لە یارییەكی دۆستانەدا یاریكردووە و ئێستا لە ڕیتمی یاری دووركەوتۆتەوە وەك فاتی، ئەویش پێویستی بە كاتی زیاترە.
// هەنگاو بەهەنگاو كات دەبەخشین بە ئەگوێرۆ بۆ ئەوەی بچێتەوە كەشی یاریكردن، بەهەمان شێوەی لەگەڵ ئانسو فاتی كردمان
// دێمبیلی بەشێوەیەكی باش ڕاهێنان دەكات و گەڕاوەتەوە بۆ تیپەكە، هێشتا كەمێك كاتی دەوێت تا دەگەڕێتەوە بۆ یاریكردن.
// ناتوانم پێتان بڵێم كە دێمبیلی بۆ كلاسیكۆ ئامادەدەبێت
// پێویستە ئەم دوو یارییە ببەینەوە و شەش خاڵ بەدەستبهێنین و هەفتەیەكی گرنگ تێپەڕێنین.
// ئەوەی باش بێت بۆ فاتی و تیپەكە دەیكەین، ماوەیەكی زۆر یاریی نەكردووە و پێویستی بەوەیە هەنگاو بەهەنگاو بگەڕێتەوە
// پێویستە هەموو یاریزانەكان بگەڕێنەوە تا پێكهاتەیەكی تۆكمە دابنێین، چەند یاریزانێكمان لە هێڵی پێشەوە پێكانیان هەیە، هەروەها لە توانای تاكەكەسی بێبەشین، هێشتا هەندێك كێشەمان هەیە.
// سەرۆك متمانەی پێبەخشیوم و دڵنیام كە تا كۆتایی وەرز دەمێنمەوە
// من دەزانم سەرەڕای پشتگیریی ڕاهێنەر، بەڵام بەردەوامبوونم بەندە بە ئەنجامەكانی بەرشلۆنەوە
// بۆسكێتس دوو یاریی باشی لەگەڵ ئیسپانیا كرد، پێموایە لەتوانایدا هەیە هاوكاریمان بكات
// من و لویس ئێنریكی لەوەدا هاوبەشین كە ڕێگە بە یاریزانە لاوەكان دەدەین یاری بكەن
// بەهۆی پێكانەوە، تواناكانی هێڵی پێشەوەمان دیاریكراوە
