لە ئەڵقەیەکی زنجیرەی بەناوبانگی زە سیمبسۆن دەردەکەوێت کەسایەتییەکی هاوشێوەی دۆناڵد ترەمپ سەرۆکی ئەمریکا گیانلەدەستدەدات و ئەمەش وەک پێشبینییەک بۆ مردنی راستەقینەی ئەو سەرۆکە هەژماردەکرێت.
ئەمڕۆ گرتە ڤیدیۆیەک لە تۆڕە کۆمەڵایەتییەکان بڵاوکراوەتەوە، دەردەکەوێت، لە ئەڵقەیەکی زنجیرەی سمبسۆنەکاندا کەسێک لە هاوشێوەی دۆناڵد ترەمپ سەرۆکی ئەمریکایە دەمرێت و کەسە نزیکەکانی لە دەوری تەرمەکەی کۆدەبنەوە.
مات سێلمان بەرهەمهێنەری جێبەجێکاری دراماکە رایگەیاندووە، لە هیچ ئەڵقەیەکدا ئەو بڕگەیەی تێدانییە، پێدەچێت بە زیرەکی دەستکرد دروستکرابێت.
پێشتر دراماکە پێشبینی بڵاوبوونەوەی کۆرۆنا و رووداوەکانی کاپیتۆڵی بڵاوکردبووەوە کە دواتر دەرکەوت راستین، بەڵام جارێکی دیکە لەساڵی 2017 پێشبینی مردنی ترەمپی بڵاوکردەوە، بەڵام لەوەیاندا بەهەڵەداچوو.
