بافڵ جەلال تاڵەبانی، سەرۆكی یەكێتیی نیشتمانیی كوردستان لە شاری سلێمانی سەردانی سیاسەتمەدار و هەڤاڵی تێكۆشەری كوردایەتی و شۆڕشی نوێ كاك عومەری سەید عەلی كرد.
لە دیدارێكدا سەرۆك بافڵ جەلال تاڵەبانی لە نزیكەوە لە تەندروستیی بەڕێزیانی پرسی و هیوای سەلامەتی و تەندروستییەكی باشی بۆ خواست.
سەرۆك بافڵ هەر لەو دیدارە دۆستانەدا ستایشی رابردووی پاك و درەوشاوەی كاك عومەری سەید عەلی و بنەماڵەكەیانی كرد كە نموونەی بەرزی خەبات و قوربانیدانی گەلەكەمانن، كە لە مێژووی رزگاریخوازی كورددا بە تایبەت شۆڕشی نوێ، جێدەستی كاك عومەر لە نەخشەی سیاسی، خەباتی شاخ و شار، رێكخستن و خۆڕاگریی لە زینداندا دیار و بەرچاوە و هەمیشە بۆ ئێمە مایەی شانازییە.
