سێ مانگرتوو تووشی خوێنبەربوون بوون و رەوانەی نەخۆشخانە کران.
عوسمان گوڵپی، وتەبێژی مانگرتووانی سلێمانی بە تۆڕی میدیایی ئێستای راگەیاند، دۆخی تەندروستیی مانگرتووان تادێت خراپتر دەبێت و ئەمڕۆش سێ لە مانگرتووان تووشی خوێنبەربوون بوون و رەوانەی نەخۆشخانە کران.
وتیشی، دۆخی تەندروستیی ئەو سێ کەسە کەمێک باشترە، بەڵام یەکێکیان هەر لە نەخۆشخانەیە و لەژێر چاودێریی پزیشکیدایە.
ماوەی 15 رۆژە 13 مامۆستا و فەرمانبەری سلێمانی مانیان لە خواردن گرتووە و لەبەردەم بارەگای نەتەوە یەکگرتووەکان لە سلێمانی لەژێر خێمەدان و داوای تەوتینی مووچە و گەرەنتیکردنی مووچەکانیان دەکەن.
