شوان محەمەد، ئەندامی ئەنجومەنی نوێنەرانی عێراق رایگەیاند، ئەگەر هەرێم بەشێكی داهاتی ناوخۆش نەنێرێت وەزارەتی دارایی عێراق بۆ نییە مووچەی مووچەخۆرانی هەرێم رابگرێت و پرسی مووچە بەپێی بڕیاری دادگای فیدراڵیی عێراق یەكلاكراوەتەوە.
وتیشی، “پێویستە مووچە لە پرسە سیاسییەكان جیابكرێتەوە و كاتی ئەوەهاتووە كورد لە حكومەتی داهاتوودا یەكدەنگ و یەكهەڵوێست بێت و سەرجەم كێشەكان وەلابنێن و بە بەرنامەیەكی نوێوە دەست بە گفتوگۆ بكەین”.
ئەو پەرلەمانتارە راشیگەیاند، ناكرێت بەهۆی كێشەی تەكنیكییەوە بەغداد مووچەی مووچەخۆرانی هەرێم دوابخات و چاوەڕواندەكرێت سبەی كۆبوونەوەیەكی یەكلاكەرەوە لە نێوان وەزارەتی نەوتی عێراق و كۆمپانیاكانی بەرهەمهێنانی نەوت كە لە هەرێم كاردەكەن ئەنجامبدرێت و دوابڕیار لەسەر دەستپێكردنەوەی هەناردەی نەوتی هەرێم بدرێت.
