بەڕێوەبەرایەتیی گشتیی كارەبای سلێمانی رایدەگەیەنێت، كارەبای ناوچەكانی دەربەندیخان، پێنجوێن، شارەزوور، سەیدسادق و هەڵەبجە ئاسایی بووەوە.
بەڕێوەبەرایەتیی گشتیی كارەبای سلێمانی لە زاری ئەندازیار غالب محەمەد مارف، بەڕێوەبەری كۆنترۆڵ و گەیاندن و كارەبای سلێمانی رایگەیاند، “دوای ئەوەی ئێوارەی ئەمڕۆ هەینی بەهۆی دروستبوونی كێشەیەك لە وێستگەی گۆڕینی كارەبای باشوور لە سلێمانی دروستبوو بەهۆیەوە هێڵەكانی 132كەی ڤی گواستنەوەی كارەبای وێستگەی باشوور- دەربەندیخان، وێستگەی ئەزمڕ- دەربەندیخان ،هێڵی 132كەی ڤی تانجەرۆ – سەیدسادق – پێنجوێن راگیرابوون و بەهۆیەوە دانیشتووانی سنوورەكانی دەربەندیخان، هەڵەبجەی شەهید، خورماڵ، سەیدسادق، پێنجوێن و شارەزوور بێ كارەبا بوون.
دەشڵێت، “لە ئێستادا كێشەكە چارەسەربووە و كارەبای سنوورەكە ئاسایی بووەتەوە”.
