بە هۆكارێكی نادیار ئێوارەی ئەمڕۆ ئاگر لە دوكانێكی تایبەت بە جلوبەرگی سەربازی لە بازاڕی دارەسووتاوەكەی سلێمانی كەوتەوە و رووداوەكە تەنها زیانی ماددیی هەبووە.
ئارام عەلی وتەبێژی بەڕێوەبەرایەتیی بەرگریی شارستانیی سلێمانی لە لێدوانێكدا بە تۆڕی میدیایی ئێستای راگەیاند، ئێوارەی ئەمڕۆ بە هۆكارێكی نادیار ئاگر لە دوكانێكی جلوبەرگی سەربازی لە لە بازاڕی دارەسووتاوەكەی سلێمانی كەوتەوە و تیمەكانی بەرگریی شارستانی ئاگرەكەیان لە كەمترین ماوەدا كۆنترۆڵكرد.
راشیگەیاند، “رووداوەكە تەنها زیانی ماددیی هەبووە و لێكۆڵینەوە لە هۆكاری كەوتنەوەی ئاگرەكەش دەستیپێكردووە”.
