ئەندامێكی ئەنجومەنی نوێنەرانی عێراق رایدەگەیەنێت، داوامان لە بەرپرسانی وەزارەتی نەوتی عێراق كرد ئەو نەوتەكەی كە بۆ هەرێم دابیندەكرێت بڕەكەی زیادبكرێت و بەڵێندرا بەدواداچوون بۆ داواكەمان بكرێت.
چرۆ حەمە شەریف، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، ئەمڕۆ سەردانی وەزارەتی نەوتی عێراقمان كرد و لەگەڵ د. عیزەت سابیر بریكاری وەزارەتی نەوتی عێراق كۆبووینەوە و داوامانكرد ئەو نەوتەی دابینكراوە بۆ هەرێمی كوردستان كە 50 ملیۆن لیترە بڕەكەی زیادبكرێت.
وتیشی، “ئەو نەوتەی بەغداد دەینێرێت یەك بەرمیلی بە نرخی 50 هەزار دینار بە هاوڵاتییان دەدرێت و سەرەتا لە سنووری پارێزگای هەڵەبجەوە دابەشدەكرێت و دواتر بۆ ناوچەكانی دیكە دابیندەكرێت”.
