بەرپرسێكی تەندروستیی سلێمانی رەتیدەكاتەوە، هیچ حاڵەتێكی تووشبوون و گیانلەدەستدان بە ئەنفلۆنزای بەراز لە سلێمانی تۆماركرابێت و جەختیشدەكاتەوە هەر حاڵەتێكی گومانلێكراو هەبێت پشكنینەكەی دەنێردرێت بۆ بەغداد.
سامان شێخ لەتیف وتەبێژی بەڕێوەبەرایەتیی تەندروستیی سلێمانی لە لێدوانێكدا بە تۆڕی میدیایی ئێستای راگەیاند، هیچ حاڵەتێكی تووشبوون و گیانلەدەستدان بە ئەنفلۆنزای بەراز لە شاری سلێمانی تۆمارنەكراوە و ئەگەر هەر حاڵەتێكی گومانلێكراویش هەبێت پشكنینی بۆ دەكرێت و بۆ دڵنیابوونەوەی زیاتر دەنێردرێت بۆ بەغداد.
بەرپرسەكەی تەندروستیی سلێمانی دڵنیایی دا كە ئەنفلۆنزای بەراز لە سلێمانی نییە و سبەینێش روونكردنەوەیەك لەو بارەیەوە بڵاودەكەنەوە.
