ئەندامێكی ئەنجومەنی نوێنەرانی عێراق رایدەگەیەنێت، 14 رۆژە عێراق مووچەی مانگی 11ی ناردووە ئامادەنەبوون دابەشی بكەن و خەڵكیان سەرقاڵكردووە بەوەی كە بەغداد مووچەی مانگی 12ی نەناردووە.
سۆران عومەر، ئەندامی ئەنجومەنی نوێنەرانی عێراق رایگەیاند، عێراق مووچەی مانگی 10ی نارد، بەڵام 17رۆژ دەستان بەسەردا گرت، دواتر بە 7 رۆژ دابەشتان كرد.
راشیگەیاند، ئێستاش 14رۆژە مووچەی مانگی 11نێردراوە ئامادە نەبوون دابەشی بكەن خەڵكتان سەرقاڵكردووە بەوەوە كە بەغداد مووچەی مانگی 12ی نەناردووە و لە هەمانكاتدا هیچ ساڵێك هێندەی 2024 داهاتی نەوت و ناوخۆ زۆر نەبووە، بەڵام ئامادەنەبوون لەو داهاتە تەواوكاریی مووچەی خەڵك بدەن.
