بەپێی ئەو زانیارییانەی بە تۆڕی میدیایی ئێستا دراون، چاوەڕواندەكرێت لەم هەفتەیەدا بەغداد تەواوكاریی مووچەی مانگی 11 بنێرێت كە فشاری دادگای فیدراڵیی عێراق بۆ ناردنی مووچەی مووچەخۆرانی هەرێم هەیە.
هەر لە زانیارییەكاندا هاتووە، بە بیانووی نەبوونی نەختینەوە ناردنی پارەی تەرخانكراو بۆ مووچە دواكەوتووە و لەم هەفتەیەدا تەواوكاریی مووچەی مانگی 11 دەنێردرێت.
جێی ئاماژە بۆ كردنە، پێشتر وەزارەتی دارایی هەرێم لە راگەیەندراوێكدا بڵاویكردبووەوە كە بڕی 631 ملیار دینار لەلایەن بەغداوە وەكو تەموویلی مووچەی مانگی 11 نێردراوە.
