وتەبێژی هێزەكانی سوریای دیموكرات رایدەگەیەنێت، بەنداوی تشرین لە ژێر كۆنترۆڵی هەسەدەدایە.
ئەمڕۆ پێنجشەممە فەرهاد شامی، وتەبێژ هێزەكانی سوریای دیموكرات رەتیكردەوە چەكدارە نزیكەكانی توركیا بەنداوی تشرینیان كۆنترۆڵكردبێت و رایگەیاند، بەنداوی تشرین و سەرجەم شار و گوندی ناوچەكە لەژێر كۆنترۆڵی هێزەكانی دیموكرات (هەسەدە)ـدایە.
وتیشی، لە ماوەی 20 رۆژی رابردوودا، سوپای توركیا و چەكدارە نزیكەكانی ئەو وڵاتە چەندین هێرشیانكردووەتە سەر بەنداوی تشرین و هەوڵی كۆنترۆڵكردنیان داوە، بەڵام لەلایەن هێزەكانی سوریای دیموكراتەوە شكست بە هێرشەكانیان هێنراوە.
ئاماژەی بۆ ئەوەشكرد، ئەم ناوچانە بەتەواوی لەژێر كۆنترۆڵی تەوای هێزەكانی سوریای دیموكراتدایە و پارێزگاری لێدەكات كە لەلایەن سوپای توركیاوە ژمارەیەكی زۆر هێرشی ئاسمانی كراوەتە سەری.
