بەڕێوەبەرایەتیی پۆلیسی راپەڕین بڵاویکردەوە، ئێوارەی دوێنێ، تەرمی هاوڵاتییەک کە لەدایکبووی ساڵی 1983 بووە گەیەندراوەتە پزیشکی دادوەری ڕانیە، کە لە کاتی راوکردنی ماسیدا کەوتووەتە ناو ئاوەوە و خنکاوە.
پۆلیس ئاماژەی بەوەکردووە، رووداوەکە لە ناحیەی چوارقوڕنە روویداوە و ئەو کەسەی خنکاوە، دانیشتووی شاری هەولێر بووە.
لە راگەیەندراوەکەی پۆلیسدا ئاماژە بەوەکراوە، کەسوکارەکەی باسیان لەوەکردووە، بەمەبەستی گەشت و بەسەربردنی کاتێکی خۆش رووی لە ئاوی گوندی قەمتەران کردووە، لە کاتێکدا سەرقاڵی راوکردنی ماسی بووە، کەوتووەتە ناو ئاوەکەوە و بەهۆیەوە گیانی لەدەستداوە.
