چین بڕیاریداوە لە سەرەتای ساڵی نوێوە بە بەهای 411 ملیار دۆلار وەبەرهێنان لە بوارەکانی ئابوری و بازرگانی و ژێرخانی وڵاتەکەیدا بکات.
ئاژانسی هەواڵی رۆیتەرز بڵاویکردەوە، چین پلانیداناوە لە سەرەتای ساڵی نوێی 2025-ەوە، دەستبکات بە پرۆسەی بەهێزکردنی ژێرخانی ئابوری و بازرگانیی وڵاتەکەی، بۆ ئەو مەبەستەش بە چەند قۆناغێکی جیاواز هەنگاوەکانی جێبەجێدەکات.
قەبارەی گۆڕانکارییەکان بە بەهای یەك ملیار یوانی چینی دیاریکراوە، کە دەکاتە 411 ملیار دۆلاری ئەمریکی.
پرۆژەکە بەشێوەیەکی گشتگیر کاریگەری لەسەر سەرجەم سێکتەر و کەرتەکانی پیشەسازی، بازرگانی، سیستەمی بانک دەبێت.
ئامانجی سەرەکیی چین لەم پرۆژەیەدا بەهێزکردنی زیاتری ئابوری و سەپاندنی هەژموونییەتی لە سەرانسەری جیهاندا، هۆکارێکی تریش، وەڵامدانەوەی وڵاتەکەیە لە بەرامبەر فشارە نێودەوڵەتییەکان بەگشتی و سزاکانی ئەمریکایە بەتایبەتی.
