داهاتی هۆتێلەکانی ئیماڕات بەشێوەیەکی بەرچاو بەرزبوونەتەوە، بە جۆرێک لە ماوەی تەنها نۆ مانگدا داهاتیان 9.12 ملیار دۆلار بووە.
بە گوێرەی داتاکان، بەرزبوونەوەیەکی باش روویداوە لە داهاتی هۆتێلەکانی ئیماڕات و بەراورد بە هەمان ماوەی ساڵی 2023 داهاتەکان 4% زیادیانکردووە.
رێژەی کارکردنی هۆتێلەکان لە ئاستێکی بەرزی جیهانیدایە لە ئیماڕات و ساڵانە ژمارەیەکی زۆری گەشتیار روو لەو وڵاتە دەکەن.
جگە لە هۆتێلەکان، مۆڵ و بازاڕەکان، فڕۆکەخانەکان و شوێنە گەشتیارییەکانی وڵاتەکە قەرەباڵغی زۆریان پێوە دیارە لە زۆرینەی مانگەکانی ساڵدا.
حکومەتی ئیماڕات توانیویەتی داهاتێکی باشی گەشتیارانی بۆ خەڵکی وڵاتەکەی بەدەستبهێنێت و سەرنجی گەشتیاری جیهانی بۆخۆی رابکێشێت.
