بەریتانیا بۆ یەكەمجار جۆرێك سەگی لێكدراو لە هەردوو جۆری كۆكر سپانیێل و لاپرادۆر پاش راهێنان بەكارهێنا، بۆ ناسینەوەی ئەو نەخۆشییە مەترسیدارانەی تووشی 150 جۆری رووەك دەبێتەوە.
سەگی “ئیفۆر” دەتوانێت لەڕێی بۆنكردنەوە كەڕووی “ڤیتوافسۆرا رامۆرۆم” ئاشكرابكات كە دەشێت زیانی گەورە بە رووەكەكان بگەیەنێت و ببێتەهۆی مردنیان، لەوانەش درەختی “لاریكس” كە بە گرنگ دادەنرێت لە بەرهەمهێنانی تەختەدا.
سەگەكە لەلایەن رێكخراوی (Canine Assisted Pest Eradication) راهێنرا و، لە یەكەم تاقیكردنەوەدا توانی كەڕووەكان لە گڵ، ماددەی رووەكی و ئاوی دڵۆپێندراوی پاكژدا دیاریبكات.
لە قۆناغی دووەمیشدا توانی جیاوازی لە نێوان كەڕووەكانی “ڤیتوافسۆرا رامۆرۆم” و جۆرەكانی دیكە كە دەبنە هۆی نەخۆشیی دیكەی رووەكی بكات.
لەو تاقیكردنەوانەی كە تیمی (Forest Research) ئەنجامیداوە، سەگەكە رێژەی سەركەوتنی گەیشتە 89% لە ئاشكراكردنی هۆكارەكانی نەخۆشیی رووەك و درەختەكان.
