هەرچەندە بوونی چەوری لەسەر جگەر یەکێک نییە لە نەخۆشییە درێژخایەنەکان، بەڵام ئەگەر رێگای دروست بۆ چارەسەرکردنی نەدۆزرێتەوە کاریگەرییەکانی بۆ ماوەیەکی درێژ بمێنێتەوە و رزگاربوونی لێی قورس دەبێت.
شارەزایانی بواری تەندروستیی دەڵێن، شێوازی ژیان و سیستمی خۆراک هۆکاری سەرەکین بە تووشبوون بە چەوری سەر جگەر.
بوونی خواردنەوەی گازی و وزەبەخش و کهولییەکان، خواردنی چەور و خێرا، زیادەڕەویکردن لە خواردنی شەکردا، بەشێکن لە رێگاکانی تووشبوون بە نەخۆشییەکە.
لەگەڵ ئەوەی پزیشکان جەخت لە پارێزیی خۆراک و بەکارهێنانی دەرمانی تایبەت و وەرزش دەکەنەوە بۆ رزگاربوون لێی، بەڵام دەکرێت رێگایەکی سروشتیش هەبێت، کە شەربەتی چەوەندەر یەکێک لەوانەیە.
ئەو کەسانەی چەوری سەر جگەریان هەیە دەتوانن رۆژانە یەک پەرداخ لە شەربەتی چەوەندەری سروشتی بخۆنەوە و لەو كێشە تەندروستییە رزگاریان بێت.
چەوەندەر دەوڵەمەندە بە ماددەکانی بیتالین و نترات کە تایبەتمەندی دژەبەکتریان هەیە و دژی هەوکردنن.
