هاتوچۆی هەڵەبجە دەڵێت، راگرتنی ئۆتۆمبێل لە شەقامێک قەدەغە کراوە و هەر شۆفێرێک پابەند نەبێت سزادەدرێت.
بەڕێوەبەرایەتیی هاتوچۆی هەڵەبجە بەشی ناوشار، لە راگەیەندراوێکدا بڵاویکردەوە، ئاگاداری شۆفێران دەکەینەوە کە راگرتنی ئۆتۆمبێل بە هەموو شێوەیەك قەدەغەکراوە لە راستە شەقامی بەردەم قوتابخانەی (ئاسۆی حاجی محەمەد بامۆکی)ی بنەڕەتی بە ئاراستەی گەڕەکی کانی عاشقان، چونکە شەقامەکە دوو ئاراستەی هاتن و چوونە بۆ شۆفێران.
باس لەوەش دەکات، هێمای قەدەغەی راگرتنی ئۆتۆمبێلیش دانراوە و هەر شۆفێرێك پابەند نەبێت تووشی سزای یاسایی دەبێتەوە .
