ئەندامێكی ئەنجومەنی پارێزگای نەینەوا رایدەگەیەنێت، بڕیاربوو سبەی یەكەم كۆبوونەوەی نوێی ئەنجومەنی پارێزگای نەینەوا بەڕێوەبچێت بەڵام كۆبوونەوەكە دواخرا بۆ رۆژی دووشەممە.
محەمەد جاسم، ئەندامی ئەنجومەنی پارێزگای نەینەوا لە لێدوانێكدا بە تۆڕی میدیایی ئێستای راگەیاند، بڕیاربوو سبەی یەكشەممە كاتژمێر یەكی پاشنیوەرۆِ، كۆبوونەوەی ئەنجومەنی پارێزگای نەینەوا بەڕێوەبچێت، بەڵام كۆبوونەوەكە دواخرا بۆ رۆژی دووشەممە كە چەند لایەنێك داوایان كردووە دوابخرێت تا بگەنە رێككەوتن.
وتیشی، ” بەتەمەنترین ئەندامی ئەنجومەنەكە سەرۆكایەتیی دانیشتنەكە دەكات”.
