ئەمڕۆ پرۆسەی سەرژمێری دەستپێدەکات

ئەمڕۆ قۆناغی دووەمی پرۆسەی سەرژمێری دەستپێدەکات.

دەستەی ئاماری هەرێم لە راگەیەندراوێکدا بڵاویکردەوە، رۆژی 17ی تشرینی دووەمی 2024 قۆناغی دووەمی پرۆسەی سەرژمێریی گشتیی دانیشتووان دەستپێدەکات.

باس لەوەش دەکات، بژمێرەکان لە شار و شارۆچکەکان ماڵ بە ماڵ دەگەڕێن و پێوستە هاوڵاتییان وەڵامی راست و دروستی پرسیارەکانیان بدەنەوە.

دەشڵێت، پرسیارەکان لەسەر فۆرمێک نووسراون کە رۆژانی 17 تاوەکو 21ی تشرینی دووەمی 2024 کاریپێدەکرێت.