سەعدی ئەحمەد پیرە رایگەیاند، کۆبوونەوەی ئەمڕۆی یەکێتی و پارتی کۆبوونەوەی لوتکەیە و بۆ چارەسەری ئەو ناکۆکییە کەمانەیە کە تا ئێستا لەنێوانیاندا ماونەتەوە.
سەعدی ئەحمەد پیرە وتەبێژی یەکێتیی نیشتمانیی کوردستان رایگەیاند، کۆبوونەوەی ئەمڕۆی نێوان یەکێتی و پارتی کۆبوونەوەی لوتکەیە، بە هیوای ئەوەی بتوانن سەقفی داواکارییەکانی هەردوولا لە یەکتر نزیکبکرێنەوە و هەرچی زووە حکومەتێکی کارا پێکبهێنرێت.
ئاماژەی بەوەشکرد، لە کۆبوونەوەکانی پێشووتردا 90% ی ئەو ناکۆکی و جیاوازیانەی کە هەبوون چارەسەرکران، ئەو بەشە کەمەی کە ماوەتەوە ئەمڕۆ لە کۆبوونەوەی لوتکە گفتوگۆی لەبارەوە دەکرێت.
