رووداوەکە لەسەر رێگای کەرکوک – سلێمانی لە سنووری پارێزگای کەرکووک لە نزیک زانکۆی قەڵەم روویداوە و بەهۆیەوە دوو کەس گیانیان لەدەستداوە و پێنج کەسی دیکە بریندارن.
عامر نووری، وتەبێژی پۆلیسی کەرکوک بە تۆڕی میدیایی ئێستای وت، رووداوەکە بەهۆی پێکدادانی سێ ئۆتۆمبێلەوە روویداوە و بەهۆی سەختی رووداوەکەوە دوو کەس گیانیان لەدەستداوە و پێنج کەسی دیکەش برینداربوون.
وتەبێژی پۆلیسی کەرکوک ئاماژەی بەوەشکرد، بریندارەکان گواستراونەتەوە نەخۆشخانە و تەرمەکانیش رەوانەی پزیشکی داد کراون.
ئەمەش لە کاتێکدایە، شەوی رابردوو لەئاکامی رووداوێکی هاتوچۆ لەسەر شەقامی پشتێنەیی کەرکوک، سێ کەس گیانیان لەدەستدا.
