تەقینەوەیەك لە بارەگای كۆمپانیای پیشەسازیی فڕۆكەوانی و بۆشایی ئاسمانی توركی (توساش) لە ئەنقەرە روویدا و بەدوایشیدا دەنگی تەقە لە ناوچەكەدا بسترا.
بەپێی وتەی عەلی كایا، وەزیری ناوخۆی توركیا هێرشێكی تیرۆرستی كراوەتەسەر كۆمپانیای توساش و كوژراو و برینداری لێكەوتووەتەوە.
لە پۆستێكدا لە تۆڕی ئێكس وتیشی، “دواتر رای گشتی لەبارەی رووداوەكانەوە ئاگاداردەكەنەوە”.
NEW: The footage that shows the moment of the explosion in Ankara pic.twitter.com/E62tmbM6b2
— Ragıp Soylu (@ragipsoylu) October 23, 2024
لەكاتێكدا كایا وردەكاریی رووداوەكەی نەخستووەتەڕوو، رۆژنامەنووسان دەڵێن، هێرشەكە لەڕێی بۆمبەوە بووە.
سایتی خەبەر تورك-یش بڵاویكردەوە، رووداوەكە لە ناوچەی كەهرمان كازان بووە و، راستەوخۆ دوای روودانیشی هێزە ئەمنییەكان و ئاگركوژێنەوە و تیمی پزیشكی رەوانەی شوێنەكە كراون.
ئاماژەشیدا، تەقینەوەیەك لە دەروازەی كۆمەڵگای پیشەسازییە سەربازییەكەدا روویداوە.
