باڵیۆزی ئەمریكا لە عێراق پەیامێكی لەسەر هێرشەكەی سەر فڕۆكەخانەی عەربەت بڵاوكردەوە و ئیدانەی هێرشەكە دەكات و دەشڵێت، “پشتگیریی خۆمان بۆ رێزگرتن لە سەروەری و یەكپارچەیی خاكی عێراق دووپاتدەكەینەوە”.
ئالینا رۆمانۆسكی باڵیۆزی ئەمریكا لە عێراق پەیامێكی لە هەژماری تایبەتی خۆی لە تۆڕی كۆمەڵایەتیی ئێكس(تویتەری پێشوو) بڵاوكردەوە و تێیدا هاتووە، “ئیدانەی هێرشی سەر فڕۆكەخانەی عەربەت لە پارێزگای سلێمانی دەكەین و پشتیوانی خۆمان بۆ رێزگرتن لە سەروەریی و یەكپارچەیی خاكی عێراق دووپاتدەكەینەوە كە هەردووكیان بۆ سەقامگیری و ئاسایشی عێراق پێویستن”.
هەر لە پەیامەكەیدا هاتووە، “پرسە و سەرەخۆشیی خۆمان ئاراستەی ئەو كەسانە دەكەین كە خۆشەویستەكانیان لەدەستداوە”.
