وتەبێژی حکومەتی عێراق رایگەیاند، سەرەڕای رووداوە سیاسییەکانی ناوچەکە، حکومەتی عێراق بەردەوامە لە پڕۆژە و کارەکانی و لەسەر بنەمای جیاکردنەوەی رێگەکان کاردەکات بۆ درێژەدان بە خزمەتگوزارییەکان.
باسم عەوادی، وتەبێژی حکومەتی عێراق باسی لەوەشکردووە، سەرەڕای ئەو هەموو بەربەستە سیاسییە توندانەی ناوخۆ و دەرەوە لەسەر عێراق، بەڵام رێچکەی کاری حکومەت بە هاوتەریب دەجووڵێت و یەکترنابڕێت، ئەمەش رێبازێکی نوێیە.
ئاماژەی بەوەشکردووە، پڕۆژەکان لە چوارچێوەی سروشتی خۆیاندا و لەگەڵ ماوەی دیاریکراوی خۆیاندا کاریا تێدادەکرێت، و بەبێ گوێدانە ئاڵنگارییە سیاسییەکان و ئامادەکارییەکان بۆ خراپترین حاڵەتەکان، چونکە بارودۆخە سەختە سیاسییەکان بەس نین بۆ وەستاندنی رێگاکانی گەشەسەندنی وڵات.
