ئەندامێکی ئەنجومەنی نوێنەرانی عێراق رایدەگەیەنێت، کۆبوونەوەکانی ئەمڕۆی وەفدی هەرێم و حکومەتی فیدراڵ بەرەوپێشچوونی باشیان بەخۆیانەوە بینیوە.
سەباح حەبیب ئەندامی ئەنجومەنی نوێنەرانی عێراق رایگەیاند، هەرێم و بەغداد گەیشتوون بەو باوەڕەی کە نابێت چیتر کێشەکانی نێوانیان بە هەڵپەسێردراوی بمێننەوە، بۆیە کۆبوونەوەکانی ئەمڕۆیان هەنگاوی باشیان ناوە و بەرەوپێشچوونی باشیان بەخۆیانەوە بینیوە.
ئاشکراشیکرد، چاوەڕێین لە کۆبوونەوەی سبەینێی ئەنجومەنی وەزیران، سودانی بڕیار لە ناردنی مووچەی مانگی پێنج بدات و هەفتەی داهاتووش مووچەی مانگی شەش بنێرێت.
