پرۆسەی دابەشکردنی نەوتی سپی بەردەوامە و سبەینێ لە چەند شوێنێکی دیکە بەڕێوەدەچێت.
بەڕێوەبەرایەتیی نەوت و کانزاکانی سلێمانی رایگەیاند، سبەینێ دووشەممە نەوتی سپی لە سنووری قەزای پێنجوێن دابەشدەکرێت.
دەشڵێت، هەر سبەینێ لە سنووری ناحیەی سەرکەپکانی سەر بە ئیدارەی راپەڕین نەوتی سپی دابەشدەکرێت.
ماوەی پێنج رۆژە پرۆسەی دابەشکردنی نەوتی سپی لە ناوچەکانی هەرێمی کوردستان دەستیپێکردووە و لە بەرامبەر 200 لیتر نەوت بڕی 104 هەزار دینار لە هەر خێزانێک وەردەگیرێت.
