حكومەتی هەرێم خستنەكاری پۆرتاڵی “خزمەتە گشتییەكان” ڕادەگەیەنێت، تیایدا سەرەڕای ئاگاداربوون لە پڕۆژە و خزمەتگوزارییەكان هاوڵاتییان دەتوانن سكاڵا لەسەر دامودەزگاكان تۆماربكەن.
پۆرتاڵەكە هەموو ئەو ئەرکانە دەگرێتەوە، تایبەت یان گشتی، کە حکومەتی هەرێمی کوردستان پێشکەشی هاوڵاتی دەکات و بە شێویەکی ڕاستەوخۆ یان ناڕاستەوخۆ کاریگەرییان لەسەر ژیانی ڕۆژانەیان هەیە.
هەر دەربارەی پڕۆگرامەكە لە پۆرتاڵەكەدا هاتووە، بریتیە لە پرۆسەی دۆکومێنتکردن و دیراسەتکردنی سەرجەم ئەو خزمەتانەی حکومەتی هەرێم پێشکەشیان دەکات بە مەبەستی هاوتاکردنی ڕیکارەکان، باشترکردنی ئاستیان و داڕشتنەوەیان.
هەروەك (باشترکردنی ئاستی خزمەتەکان، کەمکردنەوەی ڕۆتین و پێدانی زانیاری دروست بە هاوڵاتی) بە ئامانجەكانی دیاریكراوە.
هەر لەڕێگەی پۆرتاڵەكەوە هاوڵاتییان دەتوانن سكاڵا لەسەر دامودەزگاكانی حكومەت تۆماربكەن.
