سەرچاوە ئێرانییەکان بڵاویانکردەوە، کەشتییەکی بازرگانیی ئێرانی لە ئاوەکانی کوەیت نقوم بووە و بەهۆیەوە سێ کارمەندی کەشتییەکە گیانیان لەدەستداوە.
بەپێی زانیاریی ئاژانسی ئینتیخابی ئێرانی، تیمی کەشتییەکە ئێرانی و هیندی بوون، تاوەکو ئێستا تەرمی سێ کەس دۆزراونەتەوە و گەڕان بۆ تەرمی سێ کەسی دیکە بەردەوامە.
دەسەڵاتدارانی وڵاتەکە هیچ زانیارییەکیان لەبارەی جۆری ئەو کاڵایانە ئاشکرا نەکردووە کە لەنێو کەشتییەکەدا بوون و باسی ئەوەشیان نەکردووە کە کەشتییەکە ویستویەتی بەرەو کوێ بڕوات.
