ئەندامێكی ئەنجومەنی نوێنەرانی عێراق رایدەگەیەنێت، حكومەتی هەرێم تائێستا نایەوێت و ناهێڵێت مووچەی مووچەخۆرانی هەرێم مانگانە لە كاتی خۆیدا بگات و هەر مانگە و لیستێكی جیاواز بۆ وەزارەتی دارایی عێراق دەنێرێت.
دارا سێكانیانی، ئەندامی ئەنجومەنی نوێنەرانی عێراق رایگەیاند، حكومەتی هەرێم تائێستا نایەوێت و ناهێڵێت مووچەی مووچەخۆرانی هەرێم مانگانە لەكاتی خۆیدا بگات بەردەوام كێشە و گرفت و لەمپەری بۆ دروستدەكات هەر مانگە و لیستێكی جیاواز دەنێرێت و بڕی مووچەی مووچەخۆرانی هەرێم نزیكەی 50 پەنجا ملیار زیادیكردووە.
وتیشی، ” بڕیاری دادگای فیدڕاڵی جێبەجێنەكردووە تایبەت بەبانكیكردنی مووچە و لیست و داتا و زانیاریی تەواوی مووچەخۆران نانێرێت و داهاتی ناوخۆی وەك پێویست رادەستنەكردووە”.
