نور زوهەیر تۆمەتباری سەرەکی تاوانی دزی سەدە رایگەیاند، ئەگەر لە دادگاییەکی ئاشکرادا دادگایی بکرێت ئامادەیە ناوی هەموو ئەو کەسانە ئاشکرابکات کە لە دۆسیەکەوە تێوەگلاون.
نور زوهەیر لە چاوپێکەوتنێکی تەلەفزیۆنیدا رایگەیاند، تاوانی دزی سەدە جگە لە درۆیەک و پڕوپاگەندەی راگەیاندنەکان هیچی دیکە نییە، ئەو پارەیە لەلایەن دەستەی دەستپاکییەوە وردبینی بۆ کراوە و پارەکە هی حکومەت نییە.
نور زوهەیر، لە قسەکانیدا تەواو خۆی بەبێتاوان ناودەبات و دەڵێت، “زوڵمم لێکراوە”.
ئەم چاوپێکەوتنە لە کاتێکدایە بڕیاربوو هەفتەی رابردوو یەکەمین دانیشتنی دادگایی ناوبراو لەبارەی دۆسیەی دزی سەدەوە بەڕێوەبچێت، بەڵام بەهۆی ئامادەنەبوونیەوە دادگاییەکە بۆ کۆتایی ئەم مانگە دواخرا.
